Жыцце кожнага чалавека ацэньваецца яго працай, яго дасягненнямі, яго нашчадкамі. Пра Ніну Яўгенаўну Гарашчэня можна сказаць адназначна – усе гэта яна мае. Выхавала двух сыноў і дачку, мае цудоўных унукаў. Свае жыцце звязала з культурай, дзе працуе і сення, нягледзечы на тое, што ўжо на пенсіі. Любімае захапленне перарасло ў любімую працу, якая дае адчуванне задавальнення.
Нарадзілася Ніна Яўгенаўна 13 лістапада 1950 года ў весцы Ванелевічы Капыльскага раёна. З 1969 года працавала загадчыцай Ляшнянскага сельскага клуба, з 1972 па 2005 год – загадчыцай Ляшнянскай сельскай бібліятэкі. Працу ў бібліятэцы сумяшчала з вучобай у Магілеўскім бібліятэчным тэхнікуме.
Працуючы на пасадзе бібліятэкара вяла дзіцячы гурток па вышыўцы “Чароўная іголачка”, а затым гурток па ткацтве “Суквецце” пры Ляшнянскім сельскім Доме культуры.
З выхадам у 2006 годзе на пенсію Ніна Яўгенаўна працуе майстрам-метадыстам творчай майстэрні раеннага Цэнтра ткацтва пры Ляшнянскім СДК. Яшчэ маленькай дзяўчынкай яна садзілася за кросны разам з матуляй, ці з задавальненнем займаляся вышыўкай. Гэта захапленне засталося на ўсе жыцце.
У сваім рамястве Ніна Яўгенаўна выкарыстоўвае мясцовыя традыцыі, творча іх развівае, надаючы сваім вырабам адметныя рысы сучаснасці. Працуючы майстрам-метадыстам Цэнтра ткацтва, яна займаецца выпускам сувенірнай прадукцыі. Вырабляе посцілкі, сурвэткі, ходнікі, ручнікі. Але самае галоўнае яе дасягненне – пераемнасць пакаленняў. Вялікая творчая праца па навучанню дзяцей народнаму мастацкаму ткацтву дае добрыя вынікі. Яе вучаніцы – лаўрэаты і дыпламанты рэгіянальных і абласных святаў.
У кожнага майстра свой узор, свой стыль. Але вынік адзін: прыгажосць, якую ствараюць іх рукі і сэрца. Руплівасць, старанне, майстэрства даюць свае вынікі. Саюз майстроў Беларусі высока ацаніў працу ткачыхі – у 2011 годзе ей прысвоена ганаровае званне “Народны майстар Беларусі”.
