МИНСКИЙ ОБЛАСТНОЙ
ЦЕНТР НАРОДНОГО
ТВОРЧЕСТВА

15 ліпеня на Дяржыншчыне, у філіяле “Фалько-Агра” ААТ “Агракамбінат “Дзяржынскі”, прайшло  раённае свята “Зажынкі”.

Прыйшла пара – выспеў колас, наліўся бурштынам, чакае хлебаробаў, каб шчодра аддзячыць за клопат і гаспадарскую руплівасць. Прама ў полі філіяла “Фалько-Агра”  ААТ “Агракамбінат Дзяржынскі” раённае свята “Зажынкі” сабрала кіраўнікоў райвыканкама, спецыялістаў упраўлення сельскай гаспадаркі райвыканкама, працаўнікоў аграрнай галіны раёна.

Урачыста віталі галоўных герояў свята – камбайнераў. Абрад зажынання першага снапа правялі работнікі раённага Цэнтра культуры і народнай творчасці Наталля Сяргейчык, Таццяна Палюкас, Вераніка Хрышчановіч, Настасся Халопіца і Настасся Дубоўская. Таксама дзяўчаты ўручылі механізатарам і гасцям свята адмысловыя сувеніры, выкананыя ўмельцамі Станькаўскага Дома майстроў, і ганаровыя пунсовыя ленты “Жніво-2020”. Песні ў выкананні артыстаў Баравікоўскага і Томкавіцкага Дамоў культуры славілі працу хлебаробаў, шчыра жадаючы ім здароўя, сіл і спрыяльнага надвор’я.

У добры час, жніво 2020!