МИНСКИЙ ОБЛАСТНОЙ
ЦЕНТР НАРОДНОГО
ТВОРЧЕСТВА

Раство Хрыстова і Каляды –  любімыя святы беларусаў. Стала добрай традыцыяй адзначаць іх у дзяржаўнай установе “Дзіцячы цэнтр культуры “Расток” г. Маладзечна”.
У гэтым годзе тут таксама адбыліся незабыўныя цудоўныя калядныя вандраванні, падчас якіх у гледачоў была магчымасць убачыць батлеечнае прадстаўленне пра нараджэнне Хрыста, паслухаць і заспяваць святочныя песні, пагуляць у калядныя гульні.
Метадысты аддзела па рабоце з дзецьмі і моладдзю дзіцячага цэнтра разам з удзельнікамі клуба беларускай гульні “Весялінка”, музычна-паэтычнага клуба “Вытокі”, краязнаўчага клуба “Беларуская хатка”, фальклорнага аб’яднання “Беларуская спадчына” ладзілі свята і прымалі самы актыўны ўдзел у вандраваннях, на працягу якіх панаваў калядны настрой і радасная атмасфера.