V Рэспубліканскі фестываль аматарскага тэатральнага мастацтва «Тэатральныя скрыжаванні»
28-30 сакавіка 2025 г. у г.Слуцку адбудзецца V Рэспубліканскі фестываль аматарскага тэатральнага мастацтва «Тэатральныя скрыжаванні». Арганізатарамі фестывалю з`яўляюцца Міністэрства культуры Рэспублікі Беларусь, галоўнае ўпраўленне культуры Мінскага абласнога выканаўчага камітэта, Слуцкі раённы выканаўчы камітэт.
Рэспубліканскі фестываль аматарскага тэатральнага мастацтва «Тэатральныя скрыжаванні» быў адроджаны ў 2023 годзе пасля шматгадовага перапынку, калі г. Слуцк прыняў эстафету Рэспубліканскай акцыі «Слуцк – культурная сталіца Беларусі». Стала відавочна, што горад, які мае шматвяковыя тэатральныя традыцыі і быў першай сталіцай гэтага фестывалю, мае права на яго адраджэнне. Было прынята рашэнне праводзіць рэспубліканскі фестываль раз на два гады, паводле вынікаў абласных тэатральных конкурсаў, з удзелам пераможцаў.
Ацэньваць выканальніцкае майстэрства народных тэатраў будзе прафесійнае журы, якое ўзначаліць заслужаны артыст Рэспублікі Беларусь, прафесар Уладзімір Андрэевіч Мішчанчук.
