Мерапрыемствы па ўзнагароджванню пераможцаў Онлайн-конкурса творчых работ дзяцей і падлеткаў «Палітра традыцый»

Дзяржаўнай установай «Мінскі абласны цэнтр народнай творчасці» ў межах забеспячэння рэалізацыі «Канцэпцыі развіцця нацыянальнай культурнай прасторы ва ўсіх сферах жыцця грамадства на 2024–2026 гг.» у маі-чэрвені 2024 г. быў праведзены Онлайн-конкурс творчых работ дзяцей і падлеткаў «Палітра традыцый», прысвечаны Году якасці і 85-годдзю дзяржаўнай установы «Мінскі абласны цэнтр народнай творчасці».

Дзеці і падлеткі — удзельнікі клубных фарміраванняў устаноў культуры Мінскай вобласці стварылі малюнкі на заяўленую тэматыку «Нематэрыяльная культурная спадчына Міншчыны». Усяго ў конкурсе прыняло ўдзел 43 удзельніка з 11 устаноў культуры. Журы выбрала пераможцаў у трох узроставых катэгорыях (да 9 год, 9-12 год, 13-17 год) і прызначыла 3 спецыяльныя прызы.

28 верасня ў 13.00 у мастацкай галерэі «Цэнтр» адбудуцца мерапрыемствы па ўзнагароджванню пераможцаў.

Праграма мерапрыемстваў разнастайная і ўключае святочную і адукацыйную часткі: цырымонія ўзнагароджвання пераможцаў, прэзентацыя камплекта паштовак па выніках конкурсу, экскурсія па экспазіцыі галерэі (выстаўка «Наш маршрут» — пленэрныя працы навучэнцаў УА «Мінскі дзяржаўны мастацкі каледж імя А.К.Глебава», профарыентацыйная сустрэча з прадстаўнікамі мастацкага каледжа, дэманстрацыйны майстар-клас па працы з мяккімі графічнымі матэрыяламі ад выкладчыкаў мастацкага каледжа.

Галоўным прызам для трох пераможцаў конкурсу, якія атрымалі першыя месцы, стане выстаўка творчых работ, якая запланавана ў мастацкай галерэі «Цэнтр» на студзень-люты 2025 г.