Адкрыцце XIV раённай выставы “Яечак сёлета багата – мы шчыра сустракаем свята”
Напярэдадні светлага вясновага свята Вялікадня ў рамках IV велікоднага фестывалю “Пасхальный свет души” У Нясвіжскім раённым цэнтры культуры адкрылася XIV выстава народнай творчасці «Яечак сёлета багата — мы шчыра сустракаем свята», якая працягне працаваць да 2 мая 2022 года.
Вялікдзень — вялікае свята, якое заўсёды звяртае нас да вечных каштоўнасцей: міласэрнасці і спагады, узаемаразумення і цярпення. З ім адраджаецца добрая традыцыя праяўляць бескарыслівы клопат пра блізкіх, аказваць дапамогу і падтрымку тым, хто найбольш чакае любові і спагады.
Са словамі віншавання з наступаючымі святамі да прысутных і гледачоў звярнуліся: благачынны Нясвіжскай царкоўнай акругі, настаяцель храма Узнясення Гасподня протаіерэй Аляксандр Данчанка, кіраўнік гуртка “Духоўнае слова” СШ №4 і клуба “Ноев ковчег” Нясвіжскай цэнтральнай раённай бібліятэкі імя Паўлюка Пранузы — Валянціна Васільеўна Шчарбакова, кіраўнік народнага клуба майстроў “Дыяменты Нясвіжскага краю” — Вікторыя Аляксандраўна Лукашэвіч.
Кожны год выстава напаўняецца непаўторнымі работамі. Самыя яркія і арыгінальныя вырабы, якія прадстаўлены на выставе, будуць адзначаны дыпломамі і каштоўнымі падарункамі на IV велікодным фестывалі, які адбудзецца 1 мая на адкрытай пляцоўцы каля раённага цэнтра культуры. Асаблівую ўвагу прысутныя засяродзілі на работы пражываючых ў Нясвіжскім псіханеўралагічным доме-інтэрнаце для састарэлых і інвалідаў, якія таксама прынялі ўдзел ў мерапрыемстве.
На выставе былі прапанаваны некалькі майстар-класаў па вырабе велікодных сувеніраў:
- Таццяна Кунігель прадэманстравала майстар-клас па пляценні і ўпрыгожванні Велікодных вянкоў.
- Дзейка Лілія – па пляценні і дэкоры з папяровай лазы.
- Паскрэбка Паліна — выраб велікоднага труса з фаамерану.
Таксама была прадстаўлена выстава-продаж распісных пернікаў ручной работы ад майстра Алены Хоміч.
Усе прысутныя на адкрыцці выставы з вялікай ахвотай прынялі ўдзел у майстар-класах, набылі новыя веды і ўменні. Атмасфера на мерапрыемстве была святочная і натхнёная, бо выстава напоўнена цяплом і любоўю майстроў народнай творчасці Нясвіжчыны.
