Выстава пераможцаў Онлайн-конкурса творчых работ дзяцей і падлеткаў «Палітра традыцый»

Традыцыйныя беларускія абрады і святы, спевы і танцы, стравы і рамёствы… усё гэта ляжыць у фундаменце нацыянальнай культуры, і павінна вывучацца маладымі пакаленнямі. На выставе прадстаўлены творчыя працы пераможцаў конкурсу, які праводзіўся з мэтай папулярызацыі праз выяўленчае мастацтва ведаў пра нематэрыяльную культурную спадчыну Міншчыны. На 2024 г. Спіс элементаў нематэрыяльнай культурнай спадчыны Міншчыны налічваў 20 адзінак, з якімі і азнаёміліся маладыя мастакі. Больш за 40 удзельнікаў адмыслова стварылі свае малюнкі для гэтага праекту. Вялікі ўнёсак у працы па захаванні пераемнасці і перадачы наступным пакаленням ведаў аб традыцыйных для беларускага грамадства звычаяў і абрадаў быў зроблены настаўнікамі дзяцей і падлеткаў — кіраўнікамі мастацкіх студый і выкладчыкамі мастацкіх школ дзе займаліся ўдзельнікі конкурсу.

Аўтары, які занялі першае месца ў трох узроставых катэгорыях, былі ўзнагароджаны магчымасцю правесці выставу ў галерэі «Цэнтр». Гэта юныя мастакі з ДУА «Слуцкая дзіцячая мастацкая школа мастацтваў» — Аміна Дзяшчэня і Вікторыя Арлова, а таксама навучэнка ДУА «Пліская дзіцячая музычная школа мастацтваў» — Ганна Саргавец.

Акрамя твораў з якімі маладыя таленты перамаглі ў конкурсе гледачы змогуць убачыць і іншыя творчыя працы канкурсантаў. Праект скіраваны на падтрымку творчых намаганняў маладых мастакоў, а сваёй увагай гледачы выставы дапамагаюць будучым творцам паверыць у свае сілы і мастацкія здольнасці.

Выстава працуе з 2 па 20 красавіка 2025 г.

Святочная сустрэча з аўтарамі твораў адбудзецца 5 красавіка ў 12.00.

Месца правядзення: мастацкая галерэя «Цэнтр» ДУ «Мінскі абласны цэнтр народнай творчасці»

Адрас: Мінск, вул. Гікалы, 4

Час працы: серада-нядзеля: 11:00 — 19:00

Тэл. 8017 342 50 76              @gallery_centre

Кошт уваходнага білета – 3 руб., студэнцкага, дзіцячага, ільготнага білета – 1 руб.