МИНСКИЙ ОБЛАСТНОЙ
ЦЕНТР НАРОДНОГО
ТВОРЧЕСТВА

Доска объявлений:

Адкрыццё выставы жывапісу Лявона Грышука "Абуджэнне"

Неопределенный

17 мая ў 17:00 у Мінскім абласным краязнаўчым музеі ў рамках мерапрыемства, прымеркаванага да Міжнароднага дня музеяў адбудзецца адкрыццё выставы жывапісу сябра Беларускага саюза мастакоў Лявона Грышука - "Абуджэнне".

Лявон Іванавіч Грышук нарадзіўся 02.05.1951 г. у в. Глінкі Уздзенскага раёна Мінскай вобласці.

1957 – 1963 гг. – вучыўся ў дзіцячай мастацкай студыі С.П. Каткова.

1964 – 1966 гг. – вучоба ў Рэспубліканскай мастацкай школе.

1976 г. – скончыў Мінскае мастацкае вучылішча імя А.К. Глебава.

1986 г. – прымаў удзел у ліквідацыі вынікаў аварыі на Чарнобыльскай АЭС.

З 1990 г. – удзельнік шматлікіх міжнародных і рэспубліканскіх мастацкіх выстаў.

З 2005 г. – сябра Беларускага саюза мастакоў.

Мастак працуе ў станкавым жывапісе і графіцы.

У 90-я гады Лявон Грышук распачынае новы этап у сваім жывапісе – біблейска-хрысціянскую тэматыку, мастак цалкам аддаецца новай для яго тэме. Варта заўважыць, што Лявон Грышук ні ў якім выпадку не паўтарае праваслаўных альбо рэнесансных іканапісных канонаў, мастак выкарыстоўвае даволі сучасную жывапісную мову. Майстра хвалюе паходжанне зла, ён вывучае механізм прыняцця рашэнняў і абавязкова ставіць пытанне выбару, а таксама звяртае ўвагу на гісторыю і агульначалавечыя праблемы.

Асаблівае месца ў творчасці Лявона Іванавіча займае пейзаж. Нельга не заўважыць пяшчотнае, вельмі беражлівае стаўленне мастака да роднай прыроды. У пейзажах мастак не назірае за прыродай зводдаль, збоку, ён знаходзіцца ў іх саміх, а разам з ім і глядач. Намаляваная прырода вельмі блізка, да яе можна дакрануцца рукой.
Творы Лявона Грышука знаходзяцца ў фондах музеяў Рэспублікі Беларусь, мастацкіх галерэях і прыватных калекцыях Польшчы, Германіі, Ірландыі, Ізраіля і краін СНД.

Выстава будзе адкрыта да 2 чэрвеня.

Музей працуе: аўторак-нядзеля з 10:00 па 18:00.

Панядзелак - выхадны.

г. Маладзечна, Мінскі абласны краязнаўчы музей
с пятница, мая 17, 2019 по воскресенье, июня 2, 2019
Другие новости

Необычный подарок в преддверии 8 Марта получили женщины города Молодечно. В Централизованной клубной системе специально к  Международному женскому дню мужская вокальная группа народного...

24 января в Логойском районном центре культуры и досуга на заседание президиума Минского областного совета ветеранов собрались...

В Минском районном центре культуры прошел IV районный детский конкурс исполнительских видов искусств, таланта и красоты «Мисс Дюймовочка – 2016». В конкурсе приняли участие шестнадцать девочек в двух...
Rating All.BY
Каталог TUT.BY