МИНСКИЙ ОБЛАСТНОЙ
ЦЕНТР НАРОДНОГО
ТВОРЧЕСТВА

Доска объявлений:

Вернісаж выставы Юозаса Будрайціса “Мой Парыж”

19 чэрвеня а 17-ай гадзіне ў мастацкай галерэі Універсітэт культуры (Палац Рэспублікі) адбудзецца вернісаж выставы Юозаса Будрайціса Мой Парыж.

Знакаміты савецкі і літоўскі акцёр тэатра і кіно, народны артыст Літвы Юозас Будрайціс займаецца фатаграфіяй з 1979 года, калі кінематаграфічны лёс закінуў акцёра ў Парыж, дзе ў перапынках паміж здымкамі акцёр блукаў па вуліцах горада і здымаў усё, што здавалася асаблівым і прывабным.

Куратар выставы Маргарыта Матулітэ адзначае: “Чаму менавіта той Парыж, які здымаў Будрайціс, павінен цікавіць нас сёння? Таму што мы ўступаем у сталіцу сучаснай культуры і мастацтва з выбітным інтэрпрэтатарам, асобай шырокай творчай дзейнасці. Знакаміты акцёр, дыпламат, фатограф, вядомы вялікай эрудыцыяй і вытанчаным эстэтычным пачуццём адкрывае свой Парыж. Яго фотаздымкі – гэта ўнікальнае вытворнае з прамых рэфлексій і назапашанага памяццю арсенала – сустрэтыя людзі, прагледжаныя фільмы, прачытаныя кнігі раскрываюць глыбінныя пласты структуры горада… Пробліскі імгненняў, ухопленыя неўтаймоўным уяўленнем аматара прагулак, малююць новыя арыентыры, праводзяць кантэкстуальныя сувязі з эпохай, пашыраюць культурную тапаграфію. Акрамя таго, індывідуальную ўспрымальнасць Будрайціса дапаўняе і агульная, амаль трансцэндэнтная, ірацыянальная сувязь з горадам, якому стэрэатыпна надаецца статус сталіцы Еўропы не ў адной сферы: мастацтва, моды, кулінарыі, кахання, рамантыкі. Парыж праслаўляюць, ім захапляюцца, але тут жа капітулююць, паспрабаваўшы спазнаць яго таямніцы. Невычэрпны, неспасціжны і гэтым страшны, але чароўны, поўны святасці, таму магічна прывабны, здольны ўзяць у палон”.

 

Адрас галерэі: Кастрычніцкая плошча, 1 (Палац Рэспублікі)

Тэлефон / факс: 327-26-12

+375 29 853-75-98 (дырэктар)

 

Другие новости

Необычный подарок в преддверии 8 Марта получили женщины города Молодечно. В Централизованной клубной системе специально к  Международному женскому дню мужская вокальная группа народного...

24 января в Логойском районном центре культуры и досуга на заседание президиума Минского областного совета ветеранов собрались...

В Минском районном центре культуры прошел IV районный детский конкурс исполнительских видов искусств, таланта и красоты «Мисс Дюймовочка – 2016». В конкурсе приняли участие шестнадцать девочек в двух...
Rating All.BY
Каталог TUT.BY