МИНСКИЙ ОБЛАСТНОЙ
ЦЕНТР НАРОДНОГО
ТВОРЧЕСТВА

       У Смалявіцкім раёне 26 сакавіка 2017г. на базе Забалоцкага СДК адбыўся  раённы фестываль фальклорнай творчасці “Святочнае кола”. Галоўная мэта  фестывалю – папулярызацыя і прапаганда фальклору, захаванне і развіццё нацыянальнай спадчыны, выяўленне носьбітаў фальклору,  удасканаленне выканальніцкага майстэрства.

       Удзельнікамі фестывалю сталі  народныя і вядучыя самадзейныя фальклорныя калектывы раёна, асобныя выканаўцы, самабытныя ансамблі ўсіх відаў і жанраў фальклору. Таксама ўсе жадаючыя змаглі пазнаёміцца з выставай “Промыслы і рамёствы Смалявіччыны”. 

       Творчыя калектывы прадставілі кола беларускіх святаў і абрадаў з народнага цыклу, таксамы на суд гледачоў былі прадстаўлены і сямейна-бытавыя абрады. На працягу дня жадаючыя  пабывалі і на калядах, і масленічнымі блінамі пачаставаліся, і на заручыны трапілі. 

       Калектывы-ўдзельнікі былі адзначаны дыпломамі фестывалю і каштоўнымі падарункамі.