МИНСКИЙ ОБЛАСТНОЙ
ЦЕНТР НАРОДНОГО
ТВОРЧЕСТВА

Доска объявлений:

“Птушыны карагод”

       

        Вельмі сімвалічна, што конкурс-выстава з  назвай “Птушыны карагод” распачаў сваю працу ў час, калі беларусы здаўна клікалі птушак – першых веснікаў вясны. 23 сакавіка 2017 года  ў  дзіцячым цэнтры культуры “Расток” г. Маладзечна  адбылося падвядзенне вынікаў раённага конкурсў па выяўленчай і дэкаратыўна-прыкладной творчасці  “Птушыны карагод”, а таксама  адкрыццё  выставы, на якой былі прадстаўлены конкурсныя  работы.  Утульная зала сабрала мноства гасцей і больш за 60 удзельнікаў конкурсу.

        Мерапрыемства адкрывалі дзяўчынкі, якія, як гэта здаўна рабілі беларусы, клікалі птушак з дапамогай рушнікоў. Птушкі пачулі звонкія дзіцячыя галасы галасы і адразу ж прыляцелі.  У ролі птушак выступілі выхаванцы клуба беларускай гульні “Весялінка” дзіцячага цэнтра культуры “Расток”.

        Жаўрук, Бусел, Ластаўка і Шпак горача і заўзята спрачаліся, хто на май справе з іх на сваіх крылах прыносіць з сабой вясну, цяпло і яскравае сонейка. Памірыла ўсіх мудрая Сава, а пасля запрасіла птушак у вясёлы карагод. Калі пярнатыя сябры натанцаваліся, іх чакаў прыемны сюрпрыз:  дзеці вельмі чакалі птушак, таму падрыхтавалі шмат прыгожых малюнкаў, з якіх атрымалася прыгожая і цікавая выстава.  

    І настаў самы хвалюючы момант сустрэчы – падвядзенне вынікаў раённага конкурсу-выставы “Птушыны карагод”. Больш за 110 работ прадставілі канкурсанты на суд кампетэнтнага журы, у склад якога ўвайшлі Чарвонцава Наталля Львоўна, Вальковіч Наталля Сяргееўна (выкладчыкі цыклавой камісіі “Дэкаратыўна-прыкладное мастацтва”  УА “Маладзечанскі дзяржаўны музычны каледж М.К. Агінскага”) і Беразавец Таццяна Аляксандраўна (магістр мастацтвазнаўства, выкладчык  ДУК “Маладзечанскі раённы Цэнтр рамёстваў”). Члены журы вызначылі пераможцаў у намінацыях “Выяўленчая творчасць” і “Дэкаратыўна-прыкладная творчасць” у трох узроставых катэгорыях, а таксама адзначылі дзве калектыўныя работы  дыпломамі ў дадатковай намінацыі “За лепшую калектыўную работу”. Пераможцам конкурсу былі ўручаны дыпломы і памятныя падарункі. 

        Сустрэча была напоўнена птушынымі спевамі, усмешкамі і вясновым настроем. Пасля заканчэння мерапрыемства госці і канкурсанты затрымаліся на выставе, каб зрабіць фотаздымкі на памяць і яшчэ раз акунуцца ў атмасферу прыгажосці і творчасці!

Ок: https://ok.ru/dcrostok/album/853323035462
 
Загадчык аддзела па рабоце з дзецьмі і моладдзю ДЦК "Расток" г. Маладзечна Чараповіч В.В.
 
Другие новости

Необычный подарок в преддверии 8 Марта получили женщины города Молодечно. В Централизованной клубной системе специально к  Международному женскому дню мужская вокальная группа народного...

24 января в Логойском районном центре культуры и досуга на заседание президиума Минского областного совета ветеранов собрались...

В Минском районном центре культуры прошел IV районный детский конкурс исполнительских видов искусств, таланта и красоты «Мисс Дюймовочка – 2016». В конкурсе приняли участие шестнадцать девочек в двух...
Rating All.BY
Каталог TUT.BY