МИНСКИЙ ОБЛАСТНОЙ
ЦЕНТР НАРОДНОГО
ТВОРЧЕСТВА

Доска объявлений:

«Добры вечар, шчодры вечар!»

У навагоднюю ноч з 13 на 14 студзеня гурт калядоўшчыкаў з вёсак Баравікі і Томкавічы Дзяржынскага раёна правёў калядны абрад “Шчадрэц”.

Абрад калядавання ўжо не адзін год праводзіцца ў гэтых мясцінах. Нягледзячы на позні час, гаспадары вёсак Баравікі, Курганне, Томкавічы, Янавічы і Пабеднае не кладуцца спаць, накрываюць стол і чакаюць шчадроўшчыкаў.

А вось і яны! Гукі акардэёна, баяна, бубенчыкаў-званочкаў чуліся здалёк. Стракатым вясёлым натоўпам у кожную вясковую хату заходзіла свята: Бабка, Цыган з Цыганкай, Мядзведзь, Механоша, Чорт, музыканты і спевакі віталі гаспадароў. А шкадлівая Каза ўжо з ганку не знаходзіла сабе ўпынку, хадзіла па хаце, капрызнічала, а потым і зусім валілася на падлогу, быццам у непрытомнасці. Усе галасілі: “Каб Каза ўстала, дайце ёй каўбасы ды сала!”. Гаспадары не скупіліся на пачастункі – давалі каўбасу, сала, цукеркі, печыва і грошы. За гэта шчадроўшчыкі віншавалі гаспадароў са святам, адорвалі іх песнямі і танцамі, добрымі шчырымі пажаданнямі.

Жыхары нашых вёсак вераць, што калі іх дом наведалі калядоўшчыкі, значыць з імі разам у хату прыйшлі шчасце, багацце, мір, згода і дабрабыт.   Работнікі Баравікоўскага і Томкавіцкага дамоў культуры робяць добрую справу – адраджаюць традыцыі нашых продкаў, дораць свята землякам. Сёлета ўдзел у правядзенні абраду прымалі Таццяна Коласава, Віктар Нядзвецкі, Ала Нядзвецкая, Сяргей Протас, Таццяна Протас, Марыя Рагоза, Аляксандр Змачынскі, Вера Ждановіч, Ніна Семянюк.

“Добры вечар, шчодры вечар – добрым людзям на здароўе!”

Аляксандр ЗМАЧЫНСКІ,

жыхар вёскі Баравікі
 

Другие новости
«Масленичный круговорот на гулянье народ зовёт!»

Масленица – один из самых веселых и долгожданных праздников в году, празднование которого длится семь дней. Время веселья и народных гуляний. 29 февраля Масленицу...

Проводы Масленицы

1 марта жители и гости г.п.Смиловичи отметили один из самых ярких и веселых праздников – проводы Масленицы.

Праздничное мероприятие, посвященное Дню защитника Отечества и Вооруженных Сил Республики Беларусь

День защитника Отечества и Вооруженных Сил Республики Беларусь  красной датой вписан в годовой календарь.  Это особый праздник, который в первую очередь...

Rating All.BY
Каталог TUT.BY